Brinthan Online

மீக்காயீல் உயிர்ச்சொல்

இராச்சுழல்

(01)

வெயிற்காலத்தில் எலிகளும் 
மழைக்காலத்தில் மசுக்குட்டிகளும் 
எங்கள் வீடுகளுக்குள் 
வந்துசேர்ந்துவிடுகின்றன

(02)

பனிக்கால வானவில் பரப்பிய 
நிழற்ச் சுவர்களில் 
அவை ஊர்வதையும் 
உண்பதையும் 
புணர்வதையும் 
பறப்பதையும் 


இறப்பதையும் பார்க்கவே 
எனக்கு வயதாகிவிடும் அன்பே

(03)

எட்டாவது குடம் நீரினை 
நீயோ நானோ வார்க்கும் போது 
எம்மீது மிதந்தது 
பொன்னிறப் பூச்சி

உன்னிடம் மூன்று 
என்னிடம் ரெண்டு

நீ சுற்றிவிட்ட கால ஏட்டின் 
மையிருட்டில் 
பூரான் பற்றிக்கொண்ட 
அவற்றில் ஒன்றின் 
இறகைப் பியத்து
தலையை நசுக்கி

பின்னர்

இனிச் சொல்லாதே 
அது ஒரு பொன்னிறப் பூச்சி

(04)

தலையில் 
மிகுந்தெழும் புகை 
உன் கொடுஞ்ச்சிரிப்பில் 
உதிர்ந்தோடும் சாம்பல்

பகற்கிரணம் 
நெய்தோதிய குருட்டொளி

நான் எலி வளைக்குள் 
ஒளிந்துகொள்ளும் நிணல் வெள்ளம்

227 Views

Facebook Comments

Brinthan

பிறப்பின் அடையாளமாய் பருவங்கள் இணைந்தன. வெயிலும் மழையும் பனியும் அக்கோலைச்சுற்றிச் சுழன்றன. ஒவ்வொரு பருவத்தின் நிறமும் மற்றையதோடு கலந்து வெண்ணிறமாய் மாறின. தேவதைகள் என் தலையின் மேல் சுழன்று பச்சிலைகளைக் கோர்த்தனர். மெலிதான மாதுளையின் மணம் காற்றில் கலந்தது. கோலின் மீது செதில்களாக இறக்கைகள் முளைக்கத்தொடங்கின. தேவதையர் தாம் கோர்த்த பச்சிலைகளை என்னுடலாக்கினர். தூரத்திலிருந்து புல்லாங்குழலின் இசை புகைச் சுருள்களாக மிதக்கதொடங்கியது. தேவதையர் என்னை “மீக்காயீல்” என்றழைத்தனர். நான் அழிந்து மீக்காயீல் ஆனேன். “மீக்காயீல்” எனப்படும் நான் பிறந்தேன்.

Leave a Reply

Your email address will not be published. Required fields are marked *

Back to top